بلوچستان لبریشن پرنٹ (بی ایل ایپ) ءِ جارکش میجر گھرام ءَ ماں رسانکدر ءَ وتی شنگ کرتگیں درشانے ءَ گواشتگ کہ پانزہ مارچ ءِ بیگاہ ءِ ھپت ءُ پانزہ ءَ بی ایل ایپ ءِ سرمچاراں گْوادر ءِ شھر ءَ کوسٹ گارڈ ءِ مزنیں بنجل ءِ پھازداریں چوکی ءِ سر ءَ دستی ءَ بمب اُرشے کرتگ ءُ دو کارمند ٹپی کرتگ۔ کوسٹ ءِ گارڈ ءِ اے چوکی مزنیں دروازگ ءِ دپ ءَ انت۔ سرمچاراں ھما وھد ءَ نشانگ کرتگ کہ کوسٹ گارڈ ءِ دو کارمند اوشتوک بوتگ۔
آئی گوشتگ کہ اُرش ءَ پد سرمچار چیر جنگی ءِ کارشونی ءِبنیاد ءَ پہ سلامتی در کپگ ءَ سوبمند بوتگ اَنت۔
آئی گوشتگ کہ بی ایل ایپ ءِ سرمچارانی یک دگہ ٹولی یے ءَ شپ ءِ ادار ھشت ءُ نیم ءَ گْوادر ءَ بالی پٹ دگ ءَ برجاھیں پاکستانی لشکر ءِ چوکی چہ نزیک ءَ گوں وتکار ءُ ٹوھیں سلاھاں نشانگ کرتگ۔ چہ ایشی آسر ءَ لشکر ءِ یک کارمندے مرتگ ءُ یکے ٹپی بوتگ۔
جارکش ءَ گوشتگ کہ یک دگہ اُرشے ءَ بی ایل ایپ ءِ سرمچاراں پانزہ مارچ ءِ بیگاہ ءِ شش ءُ چل ءُ پنچ ءَ مستونگ ءِ ھند کلی ژلی ءَ برجاھیں پولیس تانہ ءِ سر ءَ اُّرش کرتگ ءُ دستیگ کرتگ ءُ تانہ ءَ ساڑی ایں سَے پولیس کارمندانی کر ءَ دو توپک دستیگ کرتگ۔
آئی گوشتگ کہ یک دگہ اُرشے ءَ پانزہ مارچ ءِ نیمروچ ءِادار سَے ءَ زمران کوٹان ءَ پاکستانی لشکر ءِ چوکی ءِ سر ءَ بی ایل ایپ ءِ سرمچاراں چہ دو نیمگ ءَ گوں ٹوھیں سلاھاں اُرش کرتگ۔ چہ ایشی آسر ءَ دژمنیں لشکر ءَ جانی ءُ مالی تاوان بوتگ۔
آئی گوشتگ کہ چہ ایشی ءَ پیش چاردہ مارچ ءِ بیگاہ ءَ زورگریں پاکستانی لشکر ءَ کولواہ ءِ ھند سگک ءُ شاپکول ءَ لشکر کشی کرتگ ءُ یک گسے ءَ بیڑ برتگ۔ نزیک ءَ ساڑی ئیں بی ایل ایپ ءِ سرمچاراں دژمنیں لشکر ءِ ڈرون کیمرہ نشانگ کرتگ اَنت کہ چہ آیاں یک کیمرھے کپتگ ءُ تباہ بوتگ۔
جارکش ءَ اُرشانی زمہ واری من اِتگ ءُ گوشتگ کہ بلوچ ورنا دژمن ءِ شونداتانی بگیری ءَ یکجاہ بہ بنت ءُ بلوچ آجوئی زرمبشت ءَ وتی کرد ءَ پیلو بہ کن اَنت۔
