تربت: گوادر ءَ پاکستانی لشکر ءِ دست ءَ زور بیگواہ کنگ بوتگیں کمالان دشتی ء گل مھمد ءِ کھول ءَ گوں مردمی ھکانی ادارھاں توار چست کنگ ءِ لوٹ کرتگ۔
کھول ءِ گوشگ اِنت کہ کمالان دشتی ء گل مھمد کیچ ءِ ھند دشت کنچتی ءِ جھمنند اِنت آ روزنامہ آساپ ءِ سرکولر انچارچ بیتگ، پاکستانی لشکر ءَ یک سمبر 2023 ءَ چہ گوادر ءَ آوار جتگ ءُ بیگواہ کرتگ۔
آئی ءِ کھول ءِ گوشگ اِنت کہ کمالان دشتی ءِ زوریں بیگواھی ءَ چار ماہ گوستگ بلے آئی ءِ بارو ءَ مارا ھچ وڑیں سرپدی دیگ نہ بوتگ کہ چون ءُ کج ءَ اِنت۔ چہ کمالان ءِ زوریں بیگواھی ءَ آئی تیوگیں کھول گمیگ اِنت۔
کھول ءَ گوں مردمی ھکانی ادارھاں لوٹ کرتگ ءُ گوشتگ کہ پہ کمالان ءِ آجوئی ءَ توار چست کنگ ءَ مئے گون ءَ کمک بہ کن اَنت۔
